It is foar Hanneke (17) it earste jier dat sy by de froulju ljept. Yn Burgum behelle se har twadde deiwinst. Ek de iepeningswedstriid fan dit seizoen waard troch har wûn. Yn it algemiene klassemint fan de froulju's topklasse stiet Hanneke no tredde.
Nij PR foar Bouwe Westert
It wie ek in moaie jûn yn Burgum foar Hanneke har broer Bouwe. Bouwe Westert, dy't útkomt yn de mixklasse, ferbettere syn persoanlik rekôr nei 17,99 meter. Dat stie op 17,91 meter. De mixklasse is in klasse foar junioaren en senioaren. Bouwe is 19 jier en dit is syn lêste jier by de junioaren.
Takom sneon is it Frysk Kampioenskip Fierljeppen yn Winsum. Bouwe en Hanneke dogge dêr beide oan mei.
